Eluca Atalı ilə görüşlər

İsveçdə yaşayan Asif Ata Ocağının Evladı, bəzimizin tarixi əsərlər müəllifi, bəzilərimizin də animalist yazıçı kimi tanıdığımız, Güney Azərbaycan mücadiləsinə “İran Hizbullah zindanında” kimi dərdlərimizə tərcüman olan bir əsər bəxş etmiş filosof-yazar Eluca Atalının görüşlərinə sizləri dəvət edirik.

7 aprel 2025-ci il saat 11:00-da Nərimanov rayon Mərkəzi Kitabxanasında,

8 aprel 2025-ci il tarixində saat 11:00-da Səbayıl rayon Mərkəzi Kitabxanasında,

10 aprel 2025-ci il tarixində saat 15:00-da Neftçala rayonundakı Heydər Əliyev Mərkəzində görüşləri olacaq.

13-17 aprel yazarımız Naxçıvanlı oxucularının görüşündə olub, balaca tamaşaçılarla birgə Naxçıvan Dövlət Milli Dram Teatrının səhnəsində “Odunçunun nağılı” və Naxçıvan Dövlət Kukla Teatrında “Ənqa quşu” tamaşalarını izləyəcək. Həmçinin Naxçıvan Mərkəzi Kitabxanasında yeni “Ağ Göyərçin”, “Əgər quşlar olmasaydı” və “Bir cüt göz” kitablarının təqdimatı və Naxçıvan Dövlət Universitetində görüşü keçiriləcək.

22 aprel 2025-ci il tarixində saat 15:00-da Ağstafa rayon Mədəniyyət Evində,

24 aprel 2025-ci il tarixində saat 14:00-da Yasamal rayondakı Heydər Əliyev Mərkəzində görüşü olacaq.

Yaradıcılığında insan və onu əhatə edən dairədən bəhs edən yazarımızın qələmə aldığı mövzular rəngarəng və bədii təhlilləri dərin olduğundan oxucularını öz dairəsinə salmağı bacarır. Bizim hansısa birimiz deyə bilmərik ki, “Ənqa quşu” romanını oxuduqdan sonra özümüzü yerdə yox, səmada hiss etməmişik? İnanırıq ki, müəlliflə olan görüşdən də oxucuları zəngin təəssüratla dönəcəklər.

  Sizləri bu görüşlərdə suallarınızla birgə gözləyirik.